Muqdisho-(Puntland Mirror) Dadka deegaanka Ceel-garas oo hoostagta degmada Ceel-buur ee gobolka Galgaduud ee bartamaha Soomaaliya ayaa xalay oo Arbaco ahayd dilay taliyihii kooxda Al-Shabaab ee deegaanka Ceel-garas, sida ay sheegayaan wararka.
Taliyaha la dilay ayaa lagu magacaabi jiray Faarax Cali Raage. Waxaana uu Al-Shabaab u qaabilsanaa deegaanka Ceel-garas.
Lama oga sababta rasmiga ah ee ka dambaysa dilka sarkaalka Al-Shabaab, balse wararka ayaa sheegaya in dadka deegaanka ay ka xanaaqeen lacago madax-furasho ah oo taliyaha la dilay uu weydiistay wiil dadka deegaanka ah oo uu maxbuus ahaan u haystay.
Maleeshiyada Al-Shabaab wali kama aysan hadlin dilka taliyahoodii deegaanka Ceel-garas.
Related Posts
October 26, 2018 U.S. airstrike kills two Al-Shabab fighters in Lower Shabelle region
April 14, 2017 Dozens More US Troops Deployed to Somalia
March 28, 2019 15 qof oo ku geeriyootay qarax gaari oo ka dhacay Muqdisho
August 4, 2016 Madaxweynaha Puntland oo magacaabay agaasime ku-xigeenka nabadsugida Puntland
