Jaamac Maxamed Khuurshe, guddoomiyihii hore ee degmada Qandala, ayaa waxaa toogasho ku dilay niman baastoolado ku hubeysan gudaha magaalada Boosaaso fiidnimadii Talaadada, gacan ku dhiiglayaasha ayaa ka baxsaday goobta toogashada kadib, sida ay ilo-wareedyadu sheegeen.
Saraakiisha ammaanka Puntland ayaa goobta tagay daqiiqado kadib, balse ma jiraan cid la xiray ilaa iyo hadda.
Khuurshe ayaa ahaa guddoomiyihii Qandala markii ay Daacish oo sidoo kale loo yaqaan ISIS ay weerartay oo qabsatay degmo xeebeedka bishii Oktoobar ee sanadkii 2016, kahor inta aysan dib uga qabsan ciidamada Puntland bishii December ee isla sanadkaas.
Garabka Daacish ee Puntland ku sugan, taasoo asaasmatay bishii Oktoobar ee sanadkii 2015, ayaa waxaa hoggaamiya Cabdulqaadir Muumin, oo horey u ahaa sargaal Al-Shabaab ah. Waaxda Difaaca Mareykanka ayaa ku dartay Muumin liiska argagixisada adduunka. Ku xigeenkiisii Cabdixakiin Dhuqub ayaa lagu dilay duqeyn uu Mareykanku geystay bishii April 2019.
Maleeshiyada oo loo maleynayo in ay haysato ku dhawaad 100 dagaalyahan, ayaa saddexdii sanno ee u dambeysay sheegatay masuuliyada ficilo argagixiso oo ay kamidyihiin dilal iyo qaraxyo oo badankood ka dhacay gudaha Boosaaso, ee xarunta ganacsiga Puntland.
Related Posts
February 10, 2018 Labo askari oo katirsan ciidamadda Turkiga oo ku geeriyooday shil diyaaradeed oo ka dhacay gobolka Afrin ee Suuriya
June 16, 2018 Read the joint communique of the talks between Somali President and Ethiopian Prime Minister
July 17, 2017 Imaaraatka Carabta oo ka dambeeyay jabsashadii xogta kumbuyuutarada wakaalada wararka Qatar
December 13, 2016 Wasaaradda maaliyada Puntland oo baarlamaanka hor geysay miisaaniyada sanadka 2017
Be the first to comment