Boosaaso-(Puntland Mirror) Ciidamada amaanka booliiska Puntland ee gobolka Bari ayaa maanta oo Arbaco ah dekada Boosaaso ku qabtay hub lagu soo qariyay dooni ganacsi, sida ay sheegeen saraakiisha booliiska.
Taliyaha ciidanka booliiska gobolka Bari Cabdixakiin Yuusuf Xuseen ayaa warbaahinta u sheegay in hubka laga keenay dalka Yeman, waxaana uu ka koobanyahay lix baastaladood oo cusub.
Taliye Cabdixakiin ayaa sheegay in sidoo kale ciidamada ay gacanta ku dhigeen ninkii waday hubka oo la dhaho Cabdi Maxamed Axmed Saalax.
Taliska booliiska ayaa isla markiiba hubka iyo ninkii lagu qabtay u gudbiyay maxkamada ciidanka qalabka sida ee Puntland, waxaana maxkamada isla-maanta u fariisatay kiis dacwadeedka, iyadoo ugu dambayn ku xukuntay Cabdi Maxamed Axmed oo ahaa ninka waday hubka 20-sanno oo xabsi ah, sidoo kale maxkamada ciidamada ayaa sheegtay in hubka ay dowladu la wareegayso.
Si rasmiya looma sheegin cida uu hubkaas u socday, balse hubka yar yar ayaa badanaa dalka Yeman looga keenaa qaab ganacsi ah.
Related Posts
November 3, 2018 Madaxweynaha Puntland oo la kulmay wakiilka Qaramada Midoobay ee Soomaaliya oo safarkiisii ugu horeeyay ku yimid Garoowe
January 20, 2020 Erdogan says Somalia has invited Turkey to explore for oil in its seas
July 12, 2023 Shir Muqdisho uga furmay xukuumada Xasan Shiikh iyo masuuliyiin hore
September 13, 2016 Kenya President and Ethiopia PM arrive in Mogadishu for IGAD summit
