“Ciidanka Amniga Puntland (PSF) waxay maanta 29 January 2018, hawlgal ka sameeyeen tuulada Ceelaayo ee gobolka Sanaag. Hawlgalkan ay ciidanka PSF maanta ku tageen Ceelaayo ayaa qayb ka ah hawlgallo isdaba joog ah oo ay ciidanka PSF wadeen muddooyinkan dambe, hawlgalladaas oo ka dhan ah cadowga Al Shabaab ee ku dhuumaalaysta buuraha Cal Madow, Puntland, Soomaaliya.” Ayay ku sheegeen boggooda Facebook-ka.
“Ciidanka PSF waxaa ka go’an in ay god iyo geed walba ka daba galaan kooxaha cadowga ah ee Puntland ku soo duulay, si kooxahaas looga ciribtiro loogana sifeeyo Puntland iyo guud ahaan Soomaaliya ba.” Ayay ku sii dareen.
Ciidamada PSF ayaa bilihii dhawaa ee lasoo dhaafay howlgal militari oo ka dhan ah maleeshiyada Al-Shabaab ka waday deegaano kuyaala gobolada Bari iyo Sanaag.
Ciidamada Puntland ayaa kula dagaalamaya maleeshiyada Al-Shabaab buuraha Galgala tan iyo sanadkii 2010-kii.
Related Posts
May 11, 2019 DFS oo sheegtay in ay ka xuntahay go’aanka ay Kenya diyaaradihii tooska ahaa ee Muqdisho iyo Nairobi ugu leexisay Wajeer
July 1, 2018 Soomaaliya oo xuseysa sanadguuradeedii 58-aad ee maalinta xornimada
December 18, 2016 Roobab mahiigaan ah oo duufaano wata oo la filayo in ay ku dhuftaan deegaan xeebeedyada Puntland
June 19, 2018 Madaxweynaha Puntland oo magacaabay garyaqaanka guud
Be the first to comment