![Ciidamada dowladda Soomaaliya[Sawirka: Archive]](https://puntlandmirror.net/wp-content/uploads/2016/12/Howlgal-4-696x464.jpg)
Wasiirka dhaqancelinta maleeshiyaadka maamul goboleedka Koonfur-galbeed Xasan Xuseen Maxamed oo saxaafada kula hadlay magaalada Baydhabo ayaa sheegay in ciidamo gaar ah oo katirsan booliiska ay qaadeen howlgal guulaystay oo ka dhan ahaa waxa uu ugu yeeray cadowga dadka.
“Ciidamadayada booliiska ee gaarka ah waxay howlgal ku qaadeen deegaanka Seydheeloow halkaas oo argagixisadu ay biyaha ceelasha ka iibinayeen dadka masaakiinta ah, ciidamadu waxay ka jawaabeen cabasho katimid dadka deegaanka, waxaana dilnay shan dagaalyahan oo Al-Shabaab ah, waxaana dhaawacnay kuwo kale oo badan, meydadkoodana waxaan halkaan Baydhabo ugu soo bandhignay saxaafada maanta,” Xasan ayaa sidaa u sheegay wakaalada wararka dowladda ee Sonna.
Wasiirka ayaa sidoo kale sheegay in ay hub kala wareegeen maleeshiyada intii uu howlgalku socday.
Ciidamada dowladda Soomaaliya ayaa sanooyin dagaal kula jiray maleeshiyada Al-Shabaab qeybta koonfureed ee dalka.
Related Posts
October 6, 2022 Wasaaradda Arrimaha Gudaha Puntland oo sheegtay in 37 degmo laga qaban doono doorashooyinka xorta ah
June 8, 2017 Al-Shabab militants attack Puntland military base in Galgala Mountains
November 30, 2017 Madaxweynaha Soomaaliya oo dalka Ivory Coast uga qeybgalaya shirka 5-aad ee madasha iskaashiga Midowga Afrika iyo Midowga Yurub
August 6, 2017 Al-Shabaab oo dishay askari Kenyaati ah oo maxbuus ah
