Muqdisho-(Puntland Mirror) Sarkaal sare oo katirsan kooxda ku xiran urur weynaha Al-Qaacida ee Al-Shabaab ayaa lagu dilay howlgal wadajir ah oo ay ciidamada dowlada federaalka Soomaaliya iyo kuwa AMISOM shalay oo Khamiis ahayd ka sameeyeen deegaanka Awdhiigle ee gobolka Shabeelaha Hoose, sida uu sheegay afhayeenka.
Afhayeenka howlgalka midowga Afrika ee Soomaaliya, Kornayl Joe Kibet oo la hadlay warbaahinta maxaliga ah ayaa sheegay in la dilay sarkaal katirsan maleeshiyada Al-Shabaab kuwo kalena la dhaawacay.
“Hoggaamiyihii Al-Shabaab u qaabilsanaa magaalada, Maxamed Xasan ayaa la dilay kuwo kalena waa la dhaawacay xoogaa hub ahna waa laga qabsaday howlgal wadajir ah oo ay sameeyeen ciidamadayada iyo kuwa dowlada,” afhayeen Joe ayaa sidaa yiri.
Ciidamada dowlada Soomaaliya oo ay caawinayaan AMISOM ayaa howlgalo ka dhan ah kooxda hubaysan ee Al-Shabaab ka waday koonfurta iyo bartamaha Soomaaliya sanadkan.
Related Posts
November 7, 2018 Shariif Xasan oo iska casilay Madaxweynenimada Koonfur Galbeed
June 20, 2016 Wasaarada haweenka Soomaaliya oo Muqdisho ku qabatay kulan looga hadlayay doorka haweenka ee siyaasada dalka
December 31, 2016 Madaxweynaha Burundi oo ku hanjabay in uu ciidamadiisa kala baxayo gudaha Soomaaliya haddaan mushahaar la siin bisha Janaayo
July 2, 2019 Mareykanka oo sheegay in si aan dhammeystirnayn uu u sii wadi doono taageerada ciidamada Soomaaliya
