Muqdisho-(Puntland Mirror) Madaxweynaha dowlada Puntland Cabdiweli Maxamed Cali ayaa maanta oo Sabti ah magaalada Muqdisho kula kulmay safiirka dalka Turkiga u fadhiya Soomaaliya Olgan Bakar.
Kulanka ayaa ka dhacay xarunta safaarada Turkiga uu ku leeyahay caasimada Soomaaliya, Muqdisho.
Sida lagu sheegay bayaan kasoo baxay madaxtooyada Puntland, kulanka ayaa diirada lagu saaray arrimo la xiriira xaalada uu ku jiro dalka Soomaaliya iyo mashaariicda ay dowlada Turkiga ka fuliso dalka Soomaaliya.
Madaxweynaha iyo safiirka ayaa waxay si qoto dheer uga wadahadleen mashaariicda horumarineed ee Turkiga ka wado dalka Soomaaliya iyo sidii Puntland loo gaarsiin lahaa qaybteeda.
Turkiga ayaan wax mashaariic ah ka fulin deegaanaada Puntland tan iyo markii uu bilaabay sanadkii 2012-ka mashaariicda horumarineed ee uu Soomaaliya ka fuliyo.
Soomaaliya ayaa lagu tiriyaa wadanka saddexaad oo hela mashaariicda horumarineed ee Turkiga tan iyo 2012-kii.
Related Posts
March 12, 2020 Wasiirka Arrimaha Dibada Soomaaliya oo kulan kula yeeshay Nairobi dhiggiisa Kenya
February 27, 2018 Ciidamadda Puntland oo raadinaya maxaabiis katirsan Al-Shabaab oo ka baxsaday xarun dhaqancelin oo kutaala Garoowe
November 29, 2016 Ugu yaraan labo askari oo ciidamada Puntland ah oo ku dhimatay qarax miinada dhulka lagu aaso ah oo ka dhacay buuraha Galgala
April 3, 2018 Jawaari oo ku adkeystay in uusan iscasili doonin
Be the first to comment