Muqdisho-(Puntland Mirror) Wasiirka warfaafinta dowlada federaalka Soomaaliya Maxamed Cabdi Xayir Maareeye ayaa sheegay in bilowga bisha August shir looga hadlayo doorashooyinka dalka ka dhacaya 2016-ka lagu qabanayo magaalada Muqdisho.
Maareeye oo la hadlay wakaalada wararka Soomaaliya ee Sonna ayaa sheegay in shirkaas muhiimadiisu tahay sidii loo dhagaysan lahaa fikradaha guddiga qaran ee doorashada.
“Shirka soo socda kaasoo lagu qaban doono caasimada Soomaaliya ee Muqdisho, labada ilaa afarta bisha August waa shir muhiim ah, kaasoo si rasmiya u quseeya dhagaysiga fikradaha guddiga doorashooyinka, waxaana si weyn u rajaynayaa in fikradahooda ay noqon doonaan kuwa faa’iido aad u leh hor u socoshada Soomaaliya,” wasiir Maareeye ayaa sidaa yiri.
Wuxuu intaas ku daray in shirkaas ay kasoo qaybgali doonaan hoggaamiyaasha dowlada federaalka iyo kuwa maamul goboleedyada.
Xilligii lagu balansanaa qabashada doorashada Soomaaliya ayaa u muuqata in ay dib u dhacayso ilaa iyo bisha December ee sanadkan sida ilo-wareedyo diblomaasi dhawaan u sheegeen warsidaha Puntland Mirror.
Related Posts
December 12, 2016 Cumar Cabdirashiid oo ololihiisa madaxweynenimada ka wada gudaha Puntland
April 7, 2020 Sargaal sare oo katirsan Al-Shabaab oo lagu dilay duqeyn Mareykanku ka fuliyay Soomaaliya
January 15, 2017 Somali US-trained forces attacked Al-Shabab base in Lower Shabelle region
June 25, 2020 Madaxweynaha Puntland oo tababar u soo xiray cutubyo katirsan ciidanka badda
Be the first to comment