Garowe-(Puntland Mirror) Golaha deegaanka degmada Gaalkacyo ayaa u doortay Maxamed Yaasiin Axmed “Tumay” duqa cusub ee magaalada.
Mr. Tumay ayaa ku gaaracay tartamihiisii ugu dhowaa Deeq Maxamuud Xaashi 24 cod intii lagu guda jiray wareega ugu dambeeya cod-bixinta.
Wareega saddexaad ayuu duqa cusub helay 24 cod, halka Deeq Maxamuud Xaashi uu helay 7 cod.
Waxaa doorashada ka qayb galay madaxweynaha Puntland Cabdiweli Maxamed Cali, xubno baarlamaanka ah, wasiiro iyo odayaasha dhaqanka oo iyagu soo xulay xubnaha golaha deegaanka ee wax doortay.
8-dii bishaan Juulay ayaa Madaxweynaha Puntland kala diray golahii deegaanka hore ee Gaalkacyo kadib waxqabad xumo lagu eedeeyay, wuxuuna guddoomiye ku meel gaara ah u magacaabay Maxamed Yaasiin Axmed oo maanta si rasmiya loogu doortay duqa degmada.
Tumay waa nin dhalinyaro ah oo aqoonyahan ah wuxuuna lasoo shaqeeyay xukumadii dowladii ku-meel gaarka ahayd ee Madaxweyne Cabdulaahi Yuusf Axmed wuxuuna kasoo shaqeeyay xafiiska madaxtooyada, kadibna wuxuu xoghaye kasoo noqday safaarada Soomaaliya ee dalka Belgium-ka.
Related Posts
October 15, 2016 Raysulwasaare Sharmaake oo ku howlan joojinta dagaalka Gaalkacyo
November 8, 2016 Ciidamada badda Midowga Yurub oo cadeeyay in weerarkii ugu horeeyay muddo labo sano iyo bar gudahood ah ay burcad-badeeda Soomaalida qaadeen
July 26, 2016 Yaan maantay u baahanahay?
June 30, 2018 Xeer-ilaaliyaha Guud ee Puntland oo codsaday in la soo qabto xisaabiyihii Wasaaradda Maaliyada Puntland ee gobolka Mudug
