Garoowe-(Puntland Mirror) Siyaasi Cabdi Xaaji Yuusf “Shuluco” ayaa ku dhaawacmay shil gaari oo ka dhacay shalay galab oo Khamiis ahayd duleedka magaalada Garoowe, sida ay warsidaha Puntland Mirror u xaqiijiyeen dhaqaatiirta caafimaadka isbitaalka guud ee Garoowe.
Shuluco ayaa shilka gaari ku galay deegaanka Buurwadal oo qiyaastii 30km dhinaca waqooyiga uga beegan magaalada Garoowe ee caasimada Puntland.
Dhaqaatiirta isbitaalka Garoowe ayaa Puntland Mirror u sheegay in siyaasiga xaaladiisa caafimaad ay aad u fiicantahay iyadoo dhaawac kasoo gaaray faraha adimada sidoo kalena dhaawac fudud uu ka gaaray madaxa.
Siyaasi Cabdi Xaaji Yuusf “Shuluco” ayaa ah siyaasi caan ah oo aad looga yaqaan Puntland iyo Soomaaliya, sanadkii 2008- da wuxuu kamid ahaa murashaxiintii madaxtinimada Puntland, kahorna wuxuu soo noqday wasiir Puntland ah, sidoo kalena Cabdi Shuluco ayaa jagooyin sare kasoo qabtay dowladii dhexe Soomaaliya ee Maxamed Siyaad Bare isagoo gaaray agaasime guud.
Related Posts
September 1, 2016 US designates ISIS leader in East Africa as global terrorists list
January 17, 2018 Madaxweynaha dowladda Puntland oo tagay magaalada Dhuuso-mareeb ee gobolka Galgaduud
June 9, 2016 Al-Shabaab oo weerartay saldhig ay ciidamada Itoobiya ku leeyihiin gobolada dhexe ee Soomaaliya
January 21, 2018 Wasiirkii Warfaafinta Soomaaliya oo loo doortay duqa cusub ee Muqdisho
Be the first to comment