Garoowe-(Puntland Mirror) Guddiga Doorashooyinka Puntland ee PEC ayaa isclaamiyay natiijada hordhacda ah ee doorashada dowladdaha hoose ee gobolka Nugaal oo 23-kii July, 2024 ka qabsoontay saddexda degmo ee Garoowe, Dangorayo iyo Godob-jiiraan.
Ku dhawaad 60 kun qof oo is-diiwaangeliyay oo kunool degmooyinka Garoowe, Dangorayo iyo Godobjiiraan ayaa codkooda dhiibtay, sida ay sheegeen Guddiga Doorashooyinka Puntland ee PEC.
Sideed xisbi siyaasadeed ayaa ku tartamaya kuraasta goleyaasha deegaanka ee saddexdan degmo.
Xisbiga dowladda ee Kaah ayaa hoggaaminaya tirade codadka dhammaan saddexda degmo, inkastoo xisbiyada mucaaradka ee SINCAD, Horseed iyo Mideeye ay ku xigaan.
Liiska xubnaha goleyaasha deegaanka rasmiga ah ee gobolka Nugaal ayaa lagu dhawaaqi doono Isniinta oo bishu ku beegantahay 29 July, 2024, sida sargaal katirsan Guddiga Doorashooyinka Puntland ee PEC uu u sheegay bog wareedka Puntland Mirror.
Saddexdan degmo ayaan laga qaban doorashada goleyaasha deegaanka Puntland ee sanadkii 2023, sababo la xiriira khilaaf u dhaxeeyay xukuumada Siciid Cabdullahi Deni iyo siyaasiyiin mucaarad ah xilligaas.
Related Posts
July 1, 2019 Qatar Airways oo duulimaad todobaadle ah ka bilowday Muqdisho
May 20, 2021 Madaxweyne ku xigeenkii hore ee Puntland Cabdisamad Cali Shire oo geeriyooday
October 8, 2024 Golaha wasiirrada Federaalka Soomaaliya oo ansixiyay miisaaniyadda sanadka 2025 oo kor u kacday 24.4%
February 23, 2018 Ciidamadda dowladda federaalka Soomaaliya oo howlgalo ka dhan ah maleeshiyada Al-Shabaab ka bilaabay gobolka Gedo
Be the first to comment