Gaalkacyo–(Puntland Mirror) Puntland iyo Galmudug ayaa ku guuleystay inay hakiyaan dagaal beeleedyo ka socday gobolka Mudug, waxayna ciidamo isku dhaf ah geeyeen goobihii ay ku dagaalameen, sida ay sheegeen mas’uuliyiin maanta oo Axad ah.
Joojinta dagaalka ayaa timid kadib dadaal wadajir ah oo ay wadeen wafuud heer wasiir ah oo ka kala socotay labada dowlad goboleed. Dadaalka wadajirka ah ayaa keentay in si ku meel gaar ah loo joojiyo colaada aafeeysay gobolka.
Mas’uuliyiinta ayaa ku dhawaaqay in tallaabada xigta ay tahay in la bilaabo wada-hadallo dib u heshiisiin ah oo ka dhaca magaalada Gaalkacyo. Wada-hadalladan ayaa ujeedadoodu tahay sidii xal loogu heli lahaa arrimaha salka ku haya colaadaha soo noqnoqday, kuwaas oo kuwii ugu dambeeyay ay sababeen dhimashada ku dhawaad 30 qof oo labada dhinac ah.
Maamul goboleedyada waxay rajeynayaan in wadahadal iyo wadashaqeyn joogta ah ay ku heli karaan nabad waarta oo ka dhalata Mudug.
Related Posts
April 3, 2018 Milatariga Mareykanka oo sideed duqeymood ka geystay gudaha Soomaaliya tan iyo 2018
January 5, 2017 Erdogan oo sheegay in uu ku rajo weynyahay in Turkiga iyo Ruushka ay xasilin doonaan dalka Suuriya
May 16, 2022 Xasan Shiikh Maxamuud oo dib loogu doortay madaxweynaha Soomaaliya
April 25, 2019 Xildhibaano katirsan aqalka sare oo kasoo jeeda Puntland oo Garoowe u yimid wadatashi
