Garoowe-(Puntland Mirror) Ugu yaraan shan askari oo katirsan ciidamada badda Puntland ee PMPF ayaa ku dhintay lix kalena waa ay ku dhaawacmeen qaraxa miino dhulka lagu aasay oo kula kacday deegaanka Sugure ee buuralaydka gobolka Bari maanta oo Sabti ah, sida ilo-wareedyo katirsan haayadaha ammaanka ay sheegeen.
Agaasimaha PMPF Cabdirabi Cabdisamad ayaa geerida askarta ku xaqiijiyay qoraal tacsi ah oo la soo dhiggay booga Facebook-ka PMPF.
Ma jirto koox weli sheegatay masuuliyada qaraxa, balse kooxda argagixisada ah ee Al-Shabaab ayaa qaraxyo noocaan oo kala ah buuralaydaas kula beegsatay ciidamada Puntland.
Ciidamada Puntland ayaa dhulka buuralayd ah ee u dhaxeeya gobolada Bari iyo Sanaag kula dagaalamaysay Al-Shabaab tan iyo sanadkii 2010.
Related Posts
May 21, 2017 Waqooyiga Kuuriya oo tijaabisay gantaal cusub oo rido gaaban
July 12, 2016 Video: Garaad Abshir Saalax Maxamed oo lagu aasay tuulada Balicad
June 24, 2019 Madaxweynaha Galmudug Axmed Ducaale Geele Xaaf oo sheegay in uu gabi ahaanba burburay heshiiskii u dhaxeeyay Galmudug iyo Ahlu Sunna
May 27, 2017 Ciidamada Ciraaq oo ku sii siqaya meeshii ugu dambeysay ee Daacish ay ka heysatay galbeedka magaalada Mowsil
