Xalay, Raysulwasaaraha Dowladda Federaalka Soomaaliya Maxamed Xuseen Rooble ayaa shaqo joojin ku sameeyay agaasimaha haayada nabadsugida NISA Fahad Yaasiin, isaga oo magacaabay agaasime cusub, balse Madaxweyne Maxamed Cabdullaahi Farmaajo ayaa qaadacay arrintaas.
Raysulwasaaraha ayaa Sabtidii Fahad Yaasiin u qabtay 48-saac in uu ku keeno warbixin buuxda oo la xiriirta kiiska Ikraan Tahliil.
Bayaan kasoo baxay Fahad Yaasiin fiidnimadii Axada ayuu ku sheegay in faahfaahinta kiiska Ikraan Tahliil uu ku soo bandhigi doono shirka golaha amniga qaranka oo uu sheegay in madaxweyne Farmaajo oo golahaas guddoomiye u ah uu u diray codsi qabsoomida shirkaas.
Ikraan Tahliil oo ahayd gabar shaqaale ah oo katiran NISA ayaa la waayay dabayaaqadii bishii June 2021.
Asbuucii lasoo dhaafay, NISA ayaa bayaan ay soo saaraty oo lagu faafiyay warbaahinta dowladda ku sheegtay in Ikraan Tahliil ay dishay maleeshiyada Al-Shabaab, balse maleeshiyada ayaa qaadacday in ay iyagu ka dambeeyeen dilkaas, sida ay baahiyeen warbaahintoodu.
Fahad Yaasiin, oo ah wariye hore, ayna saaxiib dhow yihiin Farmaajo, ayaa bishii Agoosto 2019 uu madaxweyne Farmaajo u magacaabay agaasimaha NISA.
Related Posts
February 7, 2017 Erdogan iyo Trump oo khadka taleefoonka ku wadahadli doona
January 19, 2020 Maleeshiyada Al-Shabaab oo sheegtay in ay qabteen mid kamid ah diyaaradaha drone-ka Mareykanka
July 24, 2016 RW Soomaaliya oo ka tacsiyeeyay geerida Janaraal Cabdiraxmaan Caare
September 14, 2016 Ugu yaraan saddex qof oo ku dhimatay qarax miinada dhulka lagu aaso oo ka dhacay duleedka Kismaayo
Be the first to comment