Mareegta The SITE Intelligence Group, taasoo kormeerta ururada xagjiriinta ah, ayaa sheegtay in Al-Shabaab ay Sabtidii sii daysay muuqaalka muujinaya dilka askariga Kenyaatiga ah oo la oran jiray Leonard Maingi Kiiyo.
Kiiyo ayaa waxaa qabatay Al-Shabaab bishii Janaayo ee sanadkii 2016 kadib markii maleeshiyadu ay weerar ku qaadeen xero milatari oo ciidamada Kenya ku lahaayeen deegaanka Ceel Cade ee gobolka Gedo ee Soomaaliya, weerarkaas oo ay ku dileen ilaa 150 katirsan ciidamada Kenya.
Intii aysan dilin kahor, muuqaalka dhexdiisa, askariga maxbuuska ah ayaa Madaxweynaha Kenya Uhuru Kenyatta iyo dowladdiisa ku eedeeyay in ay sabab u yihiin dilkiisa.
Al-Shabaab ayaa weeraro joogto ah ku qaada gudaha Soomaaliya, oo ay kamidyihiin kuwo dhacay asbuuyadii dhawaa ee lasoo dhaafay. Maleeshiyada ayaa weeraradeeda ugu yeerta aargoosasho ku saabsan ciidamada Kenya ee jooga gudaha Soomaaliya si ay ula dagaalamaan Al-Shabaab.
Related Posts
March 26, 2018 Madaxweyne Farmaajo iyo dhiggiisa Kenya oo isku afgartay in la hakiyo dhismaha derbiga xadka labada dal
March 27, 2017 Garowean traditional elders meet with President Abdiweli at Presidency
May 13, 2017 Madaxweynaha Puntland: Ninkii diidaya iyo ninkii ogolba Soomaaliya federal ayey ahaanaysaa
March 4, 2018 PSF destroy four roadside bombs in Galgala Mountains
Be the first to comment