Pyongyang-(Puntland Mirror) Dalka Waqooyiga Kuuriya ayaa sheegay in ay tijaabiyeen “Gantaal Nukleer ah oo lagu guulaystay” si ay uga hortagaan waxay ugu yeereen cadaawada Maraykanka, taleefishinka dowlada Waqooyiga Kuuriya ayaa ku waramay, tasoo ka xanaajisay dariskooda iyo Maraykanka.
Dhul gariir lagu qiyaasay cabirkiisa 5:3 ayaa gilgilay waqooyiga dalka Waqooyiga Kuuriya subaxnimadii saakay oo Jimce ahayd, sida ay sheegtay haayada saadaasha hawada ee Koonfurta Kuuriya, kaasoo ahaa dhul-gariirkii ugu weynaa oo ka dhasha tijaabo gantaal.
“Guddiga Dhexe ee talada haya ee xisbiga shaqaalaha Kuuriya wuxuu hambalyo u diray cilmiyahanada nukleerka……ee tijaabadii gantaalka nukleerka ahaa ee lagu guulaystay,” soo jeediyaha taleefishinka ayaa sidaa yiri.
Tilaabadaan ayaa ka xanaajisay wadamada dariska la ah Waqooyiga Kuuriya sida Koonfurta Kuuriya iyo Japan iyo dalka kale oo ay cadaawada isku qabaan ee Maraykanka.
Bartamihii bishii Janaayo ee sanadkan, dalka Waqooyiga Kuuriya ayaa tijaabiyay gantaalkoodii afraad.
Qaramada Midoobay ayaa ka mamnuucday Waqooyiga Kuuriya tijaabada gantaalada Nukleerka ah balse waxay tijaabisay keedii shanaad tan iyo sanadkii 2006 oo ay QM cunaqabataynta kusoo rogtay.
Related Posts
December 21, 2020 Ciidamada Mareykanka ee hoostaga Holwgalka AFRICOM oo bilaabi doona in ay ka baxaan Soomaaliya
June 27, 2016 Messi oo ka fariistay ciyaaraha caalamiga ah
August 14, 2019 Shan askari oo lagu dilay weerar ay Al-Shabaab ku qaaday saldhig ciidan oo kuyaala Awdhiigle
March 28, 2017 Haayada World Vision oo tababar degmada Dangorayo ugu soo gabagabaysay guddiyo ganacsi iyo guddi kala shaqeeya fududaynta mashruuca ganacsiyada yar-yar
Be the first to comment