Pyongyang-(Puntland Mirror) Dalka Waqooyiga Kuuriya ayaa sheegay in ay tijaabiyeen “Gantaal Nukleer ah oo lagu guulaystay” si ay uga hortagaan waxay ugu yeereen cadaawada Maraykanka, taleefishinka dowlada Waqooyiga Kuuriya ayaa ku waramay, tasoo ka xanaajisay dariskooda iyo Maraykanka.
Dhul gariir lagu qiyaasay cabirkiisa 5:3 ayaa gilgilay waqooyiga dalka Waqooyiga Kuuriya subaxnimadii saakay oo Jimce ahayd, sida ay sheegtay haayada saadaasha hawada ee Koonfurta Kuuriya, kaasoo ahaa dhul-gariirkii ugu weynaa oo ka dhasha tijaabo gantaal.
“Guddiga Dhexe ee talada haya ee xisbiga shaqaalaha Kuuriya wuxuu hambalyo u diray cilmiyahanada nukleerka……ee tijaabadii gantaalka nukleerka ahaa ee lagu guulaystay,” soo jeediyaha taleefishinka ayaa sidaa yiri.
Tilaabadaan ayaa ka xanaajisay wadamada dariska la ah Waqooyiga Kuuriya sida Koonfurta Kuuriya iyo Japan iyo dalka kale oo ay cadaawada isku qabaan ee Maraykanka.
Bartamihii bishii Janaayo ee sanadkan, dalka Waqooyiga Kuuriya ayaa tijaabiyay gantaalkoodii afraad.
Qaramada Midoobay ayaa ka mamnuucday Waqooyiga Kuuriya tijaabada gantaalada Nukleerka ah balse waxay tijaabisay keedii shanaad tan iyo sanadkii 2006 oo ay QM cunaqabataynta kusoo rogtay.
Related Posts
November 27, 2024 Dr. Cali Ciise Cabdi: Halis bay ku jirtaa Soomaaliya haddii awoodda iyo khayraadka lagu koobo hal qabiil ama hal Gobol
December 16, 2018 Sideed dagaalyahan oo Al-Shabaab ah oo lagu dilay duqeyn Mareykanku uu ka fuliyay Shabeellaha Hoose
November 10, 2016 Unknown warplanes bombard Al-Shabab training camp in Middle Juba region
September 24, 2021 ICJ oo sheegtay in garsoorkeeda ku aadan muranka badda ee u dhaxeeya Soomaaliya iyo Kenya ay sii deyn doonto 12-ka October
