Ugu yaraan saddex qof oo ku dhimatay shil-gaari oo ka dhacay wadada u dhaxaysa Boosaaso iyo Qardho

Boosaaso-(Puntland Mirror) Ugu yaraan saddex qof oo uu ku jiro cunug yar ayaa ku dhimatay lix kalena waa ay ku dhaawacmeen shil-gaari oo ka dhacay wadada u dhaxaysa magaalooyinka Qardho iyo Boosaaso, sida ay sheegeen dadka deegaanka.

Shilka ayaa ka dhacay meel u dhow tuulada Sheerbi, waxaana shilka sababay kadib markii ay isku-dhaceen gaariga xamuulka qaada oo ay Soomaalida u taqaan (Waaraadka) iyo gaari yar oo kuwa raaxada ah oo ahaa Toyota Land cruiser Prado.

Dadkii ku dhaawacmay shilka ayaa loo qaaday magaalada Gaalkacyo ee gobolka Karkaar si loogu daweeyo.

Shilalka gawaarida ayaa ah kuwa mar walba ka dhaca gudaha Puntland iyo Soomaaliya oo dhan waxaana u sabab ah wadooyinka oo xun iyo darawalada oo aan lahayn khibrad ku filan.