Karachi-(Puntland Mirror) Ugu yaraan 63 qof ayaa lagu dilay weerar isbiimayn ah oo ka dhacay maanta oo Isniin ah isbitaal kuyaala magaalada Quetta ee koonfurta-galbeed dalka Pakistan, sida ay sheegeen saraakiisha.
Ku dhawaad 120 qof ayaa ku dhaawacmay qaraxa, kaasoo ka dhacay halka laga soo galo qaybta gaar-gaarka deg dega ah ee isbitaalka, halkaas oo uu yaalay maydka garsoore caan ahaa oo la dilay gelinkii hore ee maanta oo Isniin ah.
Dadka ku dhintay qaraxa isbiimaynta ahaa ayaa waxaa kamid ah, garsooreyaal iyo suxufiyiin kuwaasoo u tagay isbitaalka maydka garsooraha la dilay, Bilal Anwar Kasi.
Xabadaha qoryaha ayaa daba socday qaraxa. Ma cadda cida ay ahaayeen dadka weerarka geystay.
Magaalada qaraxa ka dhacay ee Quetta ayaa caasimad goboleed u ah gobolka Balochistan, kaasoo xuduud la leh wadamada Iran iyo Afghanistan, waxaana gobolkaas uu leeyahay khayraad badan oo saliid iyo gaas ah, waxaana ka jira dagaalo u dhaxeeya Suniyiinta iyo Shiicada, iyo kooxo kale oo taageera gooni-goosad.
Related Posts
November 16, 2017 Riots erupted in Somaliland after opposition party accused National Electoral Commission of favouring ruling party
September 21, 2018 Hoggaamiye dhaqameed lagu dilay degmada Hadaaftimo
January 7, 2018 Madaxweyne Farmaajo oo safarkiisii ugu horeeyay ku yimid Puntland
March 3, 2018 Guddiga Kumeel Gaarka ah ee Doorashooyinka Puntland oo soo bandhigay urur siyaasadeedyo is-diiwaangashay, iyada oo walaac laga qabo hanaanka dimuqraadiyeynta Puntland
Be the first to comment