Rome-(Puntland Mirror) Ugu yaraan 18 qof ayaa la aaminsanyahay in ay ku dhinteen kadib markii dhul-gariir xoogan uu ku dhuftay bartamaha dalka Talyaaniga, tobonaan xaafado ah ayaa ku burburay dhul-gariirka oo dhacay maanta oo Arbaco ah, sida ay baahiyeen warbaahinta maxaliga ah ee Talyaaniga.
Haayada kormeerka dhulka (USGS) ee Maraykanka ayaa sheegtay in dhul-gariirkaas oo ka dhacay meel u dhow magaalada Norcia ee gobolka Umbria uu dhacay 3.36am ee saacada gudaha Talyaaniga, haayada ayaa sheegtay in cabirka dhul-gariirka uu ahaa 6.2.
Dhul-gariirka ayaa sababay dhismayaasha in ay burburaan, iyadoo dadka deegaanka ay u carareen wadooyinka magaalooyinka si ay uga baxsadaan in dhismayaasha kusoo dumaan.
Dhul-gariirkii ugu dambeeyay ee ka dhaca dalka Talyaaniga ayaa ku dhuftay magaalada bartamaha kutaala ee L’Aquila sanadkii 2009, waxaana ku dhintay in ka badan 300 qof.
Related Posts
March 6, 2017 Businessman shot dead by unknown gunmen in Bosaso
January 23, 2017 Heavy fighting between Somali government forces and Al-Shabab fighters erupts in Afgoye town
November 23, 2017 UAE starts its military base in Somaliland
September 19, 2023 Kenyan Military Helicopter Crashes Near Somalia Border, Killing Eight
