Muqdisho-(Puntland Mirror) Tirada dhimashada qaraxii loo adeegsaday gaariga oo shalay oo Sabti ahayd lala beegsaday huteelka Naasahablood ee Muqdisho ayaa gaartay 17 qof, sida uu sheegay afhayeenka wasaarada amniga, Cabdikaamil Shukri.
Maleeshiyada al-Shabaab ayaa sheegatay masuuliyada weerarkaas shalay oo Sabti ahayd lagu qaaday huteel Naasahablood.
“Waxaanu weerarnay huteel kaasoo ay badanaa dagaan xubnaha dowlada,” afhayeenka howlgalada militariga u qaabilsan maleeshiyada al-Shabaab Cabdulcasiis Abu Muscab ayaa sidaa u sheegay wakaalada wararka Reuters.
Weerarkan ayaa noqonaya kii labaad oo Muqdisho ka dhaca bil gudaheed wuxuuna daba socday kowdii Juun weerar ay maleeshiyada ku qaadeen huteel Ambassador kaasoo ay ku dhinteen 16 qof oo ay ku jireen labo xildhibaan.
Dagaalyahanada al-Shabaab ayaa waxaa Muqdisho ka saaray sanadkii 2011-kii ciidamada AMISOM iyo kuwa dowlada Soomaaliya, si kastoo ay ataahaba, waxay sii wadeen weerarada joogtada ah oo u jeedkoodu yahay wax yeelaynta dowlada uu caalamka taageero.
Related Posts
September 28, 2023 Wasiirka Arrimaha Dibadda Soomaaliya oo filaya inuu u tartamo Madaxweynaha Puntland
July 16, 2017 Puntland released journalist Kilwe from prison
January 22, 2018 NUSOJ oo sheegtay in shan wariyeyaal ah lagu dilay Soomaaliya sanadkii 2017
September 29, 2018 Maxkamad Soomaaliyeed oo markii ugu horeysay muddo 30-sanno ah dhageysanaysa masuul loo heysto eedo musuqmaasuq
Be the first to comment