Sweden oo ciidamo u soo diraysa Soomaaliya si ay uga qeyb qaataan la dagaalanka burcadbadeeda

Ciidamada Sweden oo ah kuwii shanaad ee howlgalka gobolka ayaa fariisin ka sameysan doona xeebta Soomaaliya, sida uu ku waramay mareegta the Local oo soo xiganaya saraakiil Sweden katirsan.

“Marka kowaad waxaanu tagi doonaa halkaas si aan u galbino gargaar caawimaad ah oo ay leedahay Barnaamijka Cunada Adduunka ee WFP oo  loo wado Soomaaliya. Sidoo kale waxaanu waajibaad u leenahay in aan faragelino oo joojino weerarada burcadbadeeda iyo tuugada kale ee hubaysan,” Thomas Olsson, madaxa ciidamada Sweden ee Soomaaliya ayaa sidaas yiri.

Tirada weerada burcadbadeeda Soomaaliya ayaa hoos u dhacday sanadihii u dambeeyay balse intii lagu guda jiray sanadkan 2017 ayaa waxaa dhacay ilaa dhowr weerar.