Muqdisho-(Puntland Mirror) Dowlada federaalka Soomaaliya ayaa sheegtay in ay xayiraadii ka qaaday Qaadka Miirowga oo ka yimaada dalka Kenya, kadib muddo asbuuc ah oo uu xayirnaa.
Wadahadal ay Muqdisho ku yeesheen madaxweynaha Kenya Uhuru Kenyata iyo dhiggiisa Soomaaliya Xasan Shiikh Maxamuud oo barbar socday shir weynaha madaxda urur goboleedka IGAD ayay isku afgarteen in xayiirada Qaadka la qaado.
Dowlada Soomaaliya ayaa asbuucii hore xayiraad kusoo rogtay dhamaan diyaaradaha sida Qaadka Miirowga oo ka yimaad dalka Kenya, sida uu sheegay safiirka Soomaaliya u qaabilsan Kenya Jamaal Maxamed Xasan dowlada Soomaaliya ayaa Qaadka u joojisay kadib markii ay ku eedaysay guddoomiyaha gobolka Miraa ee Kenya oo qaadka ka baxo Mr Munya in uu u ololaynayay madax-banaanida Soomaaliland.
Warar kale oo warsidaha Puntland Mirror heshay asbuucii hore ayaa sheegayay in Qaadka loo xayiray u diyaar-garowga shir-weynaha madaxda IGAD oo galabta Muqdisho ku soo gabagaboobay.
Related Posts
October 28, 2018 Puntland army commander Saeed Dheere running for president
January 16, 2017 Puntland forces battle Al-Shabab fighters in Galgala Mountains
June 5, 2017 Siyaasi reer Puntland oo caan ah oo ku geeriyooday gudaha magaalo xeebeedka Boosaaso
October 29, 2018 Golaha wasiiradda Dowladda Federaalka Soomaaliya oo meelmariyay miisaaniyada sanadka 2019
Be the first to comment