Garoowe-(Puntland Mirror) Puntland ayaa uga digtay dowladda federaalka Soomaaliya in ay wax farogelin ah ku samayso doorashooyinka Jubbaland iyo Galmudug.
Bayaan maanta oo Axad ah ka soo baxay wasaaradda arrimaha gudaha dowladda Puntland ayaa lagu sheegay in wasaaradda arrimaha gudaha ee dowladda federaalka Soomaaliya ay ixtiraanto doorashooyinka maamul goboleedyada Jubbaland iyo Galmudug.
“Dalka Soomaaliya waxuu ka soo kabanayaa khilaaf siyaasadeed iyo colaado ragaadiyay dhismaha hanaanka dowladnimo, sidaas darteed dowladda Puntland waxay u soo jeedinaysaa dowladda federaalka ah iyo dhammaan dowladaha xubnaha ka ahba in la dhawro laguna dhaqmo dastuurka dalka ee lagu heshiiyay, lagana fogaado wixii keeni kara colaad iyo kala fogaansho siyaasadeed.” Ayaa lagu sheegay war-saxaafadeedka.
Maamulada Jubbaland iyo Galmudug ayaa la filayaa in doorashooyinkoodu dhacaan bilaha soo socda walow qaar kamid ah uu khilaaf xoogan ka jiro oo uu ugu weynyahay kan Galmudug.
Related Posts
February 17, 2018 11 qof oo muhaajiriin Soomaali ah oo kayimid Liibiya oo kusoo noqday Muqdisho
October 15, 2019 Puntland oo maraakiib ajnabi ah ku eedaysay in ay kallmuumaysi sharci daro ah ka wadaan biyaheeda
October 17, 2016 Ciidamada dowlada Ciraaq iyo xoogaga Kurdiyiinta oo ku sii siqaya magaalada Mowsil
August 25, 2016 Tirada dhimashada ka dhalatay dhul-gariirkii ku dhuftay Talyaaniga oo gaartay 241 qof
