Siidayntiisa ayaa timid kadib wadaxaajood dhexmaray madaxda Puntland iyo Galmudug, sida ay sheegeen ilo-wareedo haayadaha ammaanka katirsan.
Asbuucii lasoo dhaafay, maxkamada ciidamada Puntland ayaa dil toogasho ah ku xukuntay Caloolgeel kadib markii lagu eedeeyay in uu ku lug lahaa qaraxyadii ka dhacay magaalada Gaalkacyo sanadkii 2016, kaasoo ay ku dhinteen in ka badan 30 qof.
2012-kii, maxkamada ciidamada Puntland ayaa Caloolgeel ku xukuntay dil balse waxaa amray in la sii daayo Madaxweyne Cabdiweli Maxamed Cali iyada oo ujeedadu ahayd sidii loo badbaadin lahaa muwaadiniin reer Puntland ah oo Caloolgeel dartiis loogu afduubtay koonfurta magaalada Gaalkacyo.
Xilligaas ayaa maxkamadu ku eedaysay in lagu qabtay gudaha magaalada Gaalkacyo isaga oo watay waxyaabaha qarxa.
Caloolgeel ayaa la sheegay in lagu dilay duqeyn ay diyaaradaha Mareykanka oo kaashanaya ciidamada sirdoonka Puntland ka fuliyeen deegaanka Jeexdin ee gobolka Mudug sanadkii 2016, balse warkaas ayaan run noqon.
2017-kii, Caloolgeel ayaa lagu qabtay howlgal wadajir ah oo ciidamada Puntland ee PSF iyo sirdoonka Galmudug ka sameeyeen xaafada koonfureed ee magaalada Gaalkacyo.
Related Posts
December 22, 2019 Sideed qof oo ku dhimatay qarax gaari oo loola dan lahaa taliyaha ciidanka lugta Soomaaliya
March 22, 2017 Death toll from Mogadishu car bomb attack rises to 10
August 20, 2020 Sii hayaha Wasiirka Waxbarashada Soomaaliya oo sheegay in uu dalka ka ceyriyay madaxii haayada Care
April 12, 2019 Koox looga shaki qabo Al-Shabaab oo labo dhakhtar oo u dhashay Cuba ku afduubatay deegaanka Mandheera
