Puntland oo ciidamada badda u dirtay deegaanada xeebaha si ay ula dagaalamaan burcadbadeeda

Mowliid Xasan, oo ah sarkaal katirsan ciidamada badda Puntland ee PMPF ayaa khadka taleefoonka ugu sheegay warsidaha Puntland Mirror in dowladda ay ciidamo katirsan PMPF u dirtay xeebaha Puntland.

“Waxaanu deegaanada xeebaha u dirnay guutooyin katirsan PMPF si ay u burburiyaan burcada kuwaasoo isku dayaya in ay qaadaan weeraro lid ku ah maraakiibta ganacsi ee gooshaysa halkaas.” Ayuu yiri Mowliid.

Dirida ciidamada ayaa timid labo asbuuc kadib markii burcadbadeeda Soomaaliya ay qaadeen weerarkoodii ugu horeeyay oo ka dhan ah maraakiibta ganacsi ee maraya xeebaha Puntland intii lagu guda jiray shanti sanno ee lasoo dhaafay.