Merkel: Islaamku maahan isha argagixisada

Merkel, ayaa khatar ka muujisay isku dayga uu Madaxweynaha Mareykanka Donald Trump ku mamnuucay dadka ka imaanaya todobo dal oo Muslimiin ah, iyada oo maanta oo Sabti ah ka hadlaysay shirka ammaanka ee Munich, oo madaxweyne ku xigeenka Mareykanka Mike Pence uu kamid ahaa masuuliyiinta shirka ka qeybgalay.

“Waxaan u malayn, wadamadaas, kuwa kowaad iyo kuwa hoggaaminaya in la siiyo taageero. Sababtoo ah jidkan kaliya ayaa awood inoo siinaya si aan uga dhaadhicino dadka in aysan Islaam ahayn kuwa ah isha argagixisada ah. Balse si khaldan u famay Islaamka,” ayay tiri.

“Waxaan filayaa in haayadaha diinta Islaamka ay si weyn uga hadlaan si looga hortago kuwa sida xun u fahmay Islaamka ee argagixisada ah,” ayay ku dartay Merkel.

Ugu dambayn Angela Merkel ayaa carabka ku adkaysay in dalka Jarmalka iyo Midowga Yurub ay wadamada Muslimiinta ah kala shaqeyn doonaan sidii loola dagaalami lahaa ururada argagixisada ee ku qaraabta magaca Islaamka.