Gaari laga soo buuxshay walxaha qarxa ayaa maleeshiyadu ay la beegsatay irida hore ee saldhiga waxaana daba socday weerar dagaalyahano hubeysan oo ka socda Al-Shabaab.
Saldhiga Balidoogle, oo qiyaastii 100 kiilomitir dhanka waqooyi-galbeed kaga beegan caasimada Muqdisho ayaa waxaa adeegsada ciidamada Mareykanka iyo kuwa Soomaaliya oo halkaas lagu tababaro.
Idaacada ciidanka ee dowladda federaalka Soomaaliya ayaa ku warantay in ciidamada saldhiga ku sugnaa ay iska difaaceen weerarka.
Khasaaraha ka dhashay weerarka ayaan la ogeyn ilaa iyo hadda.
Dhanka kale qarax ayaa lala eegtay kolonyo siday tababarayaal Talyaani ah gudaha Muqdisho, goobjoogayaal ayaa sheegay in ay arkeen gaari aan xabadu karin oo si weyn ugu waxyeeloobay qaraxa oo loo malaynayo in uu ahaa mid loo adeegsaday gaari uu waday qof naftiis halige ah.
Related Posts
July 4, 2019 Soomaaliya oo xiriirka diblomaasiyadeed u jartay dalka Guinea
May 22, 2019 Qaramada Midoobay oo sheegtay in loo baahanyahay $710 milyan oo taageero bini’aadanimo loogu sameeyo Soomaaliya
July 9, 2016 Al-Shabaab oo weerartay saldhig booliis oo ku yaala waqooyi bari Kenya
May 8, 2017 Madaxweynaha Nayjeeriya Muxamadu Buhari oo markale arrimo caafimaad u aadi doona dalka Ingiriiska
