Gaalkacyo-(Puntland Mirror) Wefdi uu hoggaaminayo madaxweyne ku xigeenka dowlada Puntland Cabdixakiim Cumar Camay ayaa maanta oo Isniin ah gaaray maagaalada Gaalkacyo oo shalay ay ka dhaceen qaraxyo isbiimayn ahaa.
Dhanka kale, Madaxweynaha Puntland Cabdiweli Maxamed Cali oo safar shaqo u jooga magaalada Addis Ababa ee Dalka Ethiopia ayaa la filayaa inuu maanta gaaro magaalada Gaalkacyo.
Tirada dhimashada ka dhalatay qaraxyo mataano ahaa oo shalay oo Axad ahayd lala beegsaday xarunta dowlada hoose ee Gaalkacyo ayaa gaartay 30 qof, halka dadka dhaawaca ahna ay yihiin ilaa iyo 50 qof, sida saraakiisha caafimaadka Gaalkacyo ay u sheegeen warsidaha Puntland Mirror.
Kooxda hubaysan ee Al-Shabaab ayaa sheegatay masuuliyada weerarkaas in ay iyadu ka dambayso, sida lagu sheegay bayaan lagu daabacay mareegaha internet-ka ee taageera kooxdaas.
Related Posts
October 24, 2017 Hal qof oo ku dhintay qarax ka dhacay magaalada Boosaaso
January 13, 2020 Al-Shabaab oo toogatay afar nin oo ay ku eedaysay in ay la shaqeeyaan Dowladda Federaalka Soomaaliya
January 9, 2017 Puntland security forces to beef up security in Galkayo town
November 4, 2021 Golaha wasiiradda Puntland oo meelmariyay miisaaniyadda sanadka 2022
Be the first to comment