Hadal uu jeediyay kadib saxiixa sharciga, Farmaajo ayaa tilmaamay dhibaatada uu musuqmaasuqu ku hayo dowladnimada iyo horumarka dalka, isaga oo xusay in sharcigani uu horseedayo dhismaha guddiyada madaxa-bannaan ee la dagaalanka musuqmaasuqa, kuwaas oo u xilsaaran ka hortagga iyo xakamaynta musuqmaasuqa.
“Musuqmaasuqu waa cudur kansarka ka daran. Maxaa yeelay kansarku qof qura ayuu dilaa, laakiin musuqmaasuqu bulshada oo dhan ayuu dilaa. Waxaan rajaynaynaa in xubnaha guddiyadan la soo xulayo ay noqdaan dad ku tilmaaman dhaqan wanaagsan, diin iyo waddaniyad.” Ayuu yiri.
Sharciga ayaa waxaa soo ansixiyay baarlamaanka dowladda federaalka Soomaaliya.
Soomaaliya oo muddo sannooyin ah aysan ka jirin dowlad shaqaysa ayaa sanadihii ugu dambeeyay kaalinta kowaad ka gashay dalalka addunka ugu musuqmaasuqa badan, sida ay sheegtay haayada kor-joogtaysa musuqmaasuqa dunida ee Transparency International oo fadhigeedu yahay magaalada Berlin.
Related Posts
August 25, 2017 Sharmake eyes opportunity to run for Puntland President in 2019
May 23, 2017 Madaxweynaha Soomaaliya oo tagay dalka Jabuuti
January 18, 2020 Soomaaliya oo mashruuc $112 milyan ah ka heshay Bankiga Adduunka oo waddooyin loogu dhisayo afar magaalo
March 3, 2019 Madaxweynaha Puntland oo magacaabay agaasimaha cusub ee madaxtooyada
