“Dilkii Paul waxa uu u soo jiiday Puntland dhaawac aad u badan, waxa uu ka hor istaagay mashaariic faro badan oo u soo socotay, wuxuu helis geliyay dad faro badan oo maalgeliyeyaal ah in ay yimaadaan,” ayuu yiri madaxweyne Siciid Cabdullaahi Deni oo la hadlayay dad-weynaha Boosaaso maanta oo Sabti ah.
Paul Anthony Formosa, oo u dhashay dalka Matla, kaasoo ahaa madaxii shirkada DP World ee dekada Boosaaso ayaa lagu dilay magaalada Boosaaso horaantii bishii Febaraayo 2019, maleeshiyada Al-Shabaab ayaa sheegatay masuuliyada dilkaas.
Madaxweyne Deni ayaa hadalkiisa intaas ku daray in mashruuc weyn oo biyaha ah oo loogu talogalay magaalada Boosaaso uu dib u dhacay sababo amni dartood oo la xiriirta dilkaas.
“Waxaa ugu dambeeyay oo qorshaha halkaan u imid kamid ahaa biyahaas aad ka cabanaysaan mashruuc weyn oo dalka Talyaaniga naga saacidayay oo laga soo qabanayay meel Laag u dhow biyo badan oo nadiif ah oo macdan leh oo looga kaaftoomi lahaa ceelasha, mashruucaas waa uu istaagay hadda oran mayo laakiin dib bay u dhiggeen sababo amni dartood oo salhig u ahaa dilkii Paul,” ayuu yiri madaxweynuhu.
Related Posts
July 31, 2024 Hoggaamiyihii siyaasada ee Xamaas Ismail Haniya oo lagu dilay Tehran
September 11, 2019 Ammaanka Garoowe oo la adkeynayo iyadoo uu soo wajahanyahay shirka maalgashiga
June 22, 2016 Maleeshiyadii uu hoggaaminyay guddoomiyihii hore gobolka Bari Cabdisamad Gallan oo Carmo isaga baxay
March 31, 2018 Somalia’s Parliament meeting postponed
Be the first to comment