Bursa-(Puntland Mirror) Madaxweynaha dowlada Puntland Cabdiweli Maxamed Cali oo ku sugan dalka Turkiga ayaa masuuliyiin meeqaam hoose oo kamid ah wasaarada waxbarashada Turkiga kula kulmay magaalada Bursa oo kutaala waqooyiga-bari ee dalka Turkiga.
Sida lagu sheegay bayaan kasoo baxay xafiiska warfaafinta madaxtooyada Puntland, madaxweynaha ayaa masuuliyiinta uu la kulmay waxaa uu kala hadlay arrimo ay kamidyihiin sii xoojinta xiriirka waxbarashada iyo tababarada shaqaalaha ee Puntland iyo dalka Turkiga.
Dhanka kale, Madaxweynaha ayaa booqasho ku tagay machadka lagu barto farsamada gacanta BUSKEM oo kuyaala magaalada Bursa iyo masjidka EMIR Suldan.
Madaxweynaha ayaa sidoo kale kulan la qaatay duqa magaalada Bursa, Recep Altepe, waxaana kulankaas diirada lagu saaray sidii magaaladaas loogu mataanayn lahaa magaalo kamid ah Puntland, sida lagu sheegay bayaanka xafiiska warfaafinta madaxtooyada.
Turkiga oo mashaariic badan ka fuliyay gudaha Soomaaliya, ayaan wax mashaariic ah ka hirgalin deegaanada Puntland, balanqaadyo hore oo Turkiga sheegay in mashaariic ay ka fulinayaan Puntland ayaan wali waxba ka hirgalin.
Related Posts
March 29, 2017 Somali Parliament approves new cabinet ministers proposed by PM Khayre
February 23, 2019 Madaxweyne Deni oo kormeeray ciidamada difaaca Puntland oo ku sugan xerada 54-aad ee Garoowe
February 21, 2021 Duulimaadyada caalamiga ah oo dib uga bilaabmay garoonka diyaaradaha Muqdisho
May 4, 2019 Hearing court of ten men accused of involvement in rape and murder of 12-year old girl postponed for one week
