Kismaayo-(Puntland Mirror) Madaxweynayaasha maamul goboleedyada Soomaaliya oo maalmahaan Kismaayo shir uga socday ayaa sameystay gole iskaashi iyagoo madaxweynaha dowladda Puntland Cabdiweli Maxamed Cali u doortay guddoomiyaha golaha iskaashiga maamul goboleedyada, sida lagu sheegay bayaan.
“Iyadoo la tixgelinayo qodobka 52-aad ee dastuurka qaranka oo tilmaamaya muhiimada ay leedahay iskaashi ay wada yeeshaan dowlad goboleedyada, ayaa goluhu wuxuu isku raacay in la asaaso Iskaashiga Dowlad Goboleedyada (GIDG),” ayaa lagu yiri bayaanka.
“Goluhu waxay guddoomiye iyo ku xigeen u kala doorteen sannadka kowaad madaxweynaha dowlad goboleedka Puntland Mudane Cabdiweli Maxamed Cali Gaas (guddoomiye) iyo madaxweynaha Hir-shabelle Mudane Maxamed Cabdi Waare (ku xigeen),” ayaa lagu sii daray.
Ugu dambayn golaha ayaa bayaankooda ku sheegay in ay ka shaqeyn doonaan horumarinta danaha dowlad goboleedyada oo ay barbar socoto dib u heshiin dhab ah oo ku salaysan heer bulsho taas oo horseedi doonta deganaan iyo xasilooni waarta.
Tilaabadaan ayaa imaanaysa iyadoo uu jiro khilaaf u dhaxeeya dowladda dhexe ee uu hoggaaminayo madaxweyne Farmaajo iyo maamul goboleedyada, khilaafkaas ayaa sii xumaanayay maalmihii lasoo dhaafay.
Related Posts
August 24, 2016 Ugu yaraan 18 qof oo ku dhimatay dhul-gariir ku dhuftay Talyaaniga
May 8, 2018 Saddex macalin oo ku dhaawacmay shil gaari oo ka dhacay meel u dhow Garoowe
November 17, 2022 Golaha wasiiradda Puntland oo meelmariyay miisaaniyadda 2023
October 13, 2016 Booko Xaaraam oo sii daysay 21 gabdhood oo kamid ahaa ku dhawaad 200 oo gabdho iskuulay ah oo ay afduub u haysato
Be the first to comment