![Diyaarada Jubba Airways oo fadhida garoonka caalamiga ah ee Boosaaso, Puntland. [Xuquuqda Sawirka: Puntland Post]](https://puntlandmirror.net/wp-content/uploads/2016/12/2016315635936117726494048IMG-20160312-WA0018.jpg)
Duulimaadyada cusub ayaa isku xiri doona magaalooyinka Dubai, Boosaaso, Muqdisho iyo Nairobi.
“Shirkada Jubba airways markay aragtay baahiyo baddan oo ka imaanaya Bulshada Puntland gaar ahaan kuwa Boosaaso waxaan go’aan ku gaarnay inaan bilowno duulimaadyo cusub oo isku xiridoona maagaaloyinka Dubai, Muqdisho, Nairobi iyo Boosaaso” ayuu yiri Siciid Xasan Maxmed Jeesaan oo ah maamulaga guud ee Jubba Airways xafiiskeeda Puntland.
“Maantana waxaanu si rasmi ah u bilownay dulimaadkii koowaad ee Boosaaso iyo Dubai waxaan u shegaynaa bulshada Puntland in ay ka faaiidaystaan fursada ay u keentay shirkada Jubba Airways.” Ayuu ku daray maamuluhu.
Dhankiisa, mareeyaha garoonka diyaaradaha Boosaaso, Bashiir Muuse Cabdiraxmaan ayaa soo dhaweeyay duulimaadyada cusub ee ay soo kordhisay Jubba Airways, isagoo sheegay in adeegan duulimaad uu garoonka kusoo kordhin doono horumar weyn.
Garoonka diyaaradaha Boosaaso oo dhawaan dhismihiisa qeybta Run Way-ka ay si casri ah u dhistay shirkad Shiinays ah ayaa la filayaa inuu noqdo garoon caalami ah oo kaalin weyn ka qaata horumarka ganacsiga Puntland iyo dhammaan Soomaaliya.
Related Posts
September 3, 2017 Meeting between Puntland and Galmudug to open in Galkayo town
July 16, 2016 Banaanbax looga soo horjeedo afgembigii fashilmay ee Turkiga oo Muqdisho ka dhacay
October 2, 2019 Mareykanka oo dib u howlgaliyay safaaradii ay ku lahaayeen Soomaaliya 28 sanno kadib
May 10, 2017 Taliyaha ciidamada booliiska Puntland oo shaqo joojin ku sameeyay taliyaha booliiska qeybta gobolka Mudug
Be the first to comment