Intii lagu guda jiray kulan ka dhacay xarunta Midowga Afrika ee Addis Ababa Axadii oo u dhaxeeyay Guddoomiyaha Guddiga Midowga Afrika iyo Raysulwasaaraha Soomaaliya Xasan Cali Khayre, ayaa Faki sheegay in ficilada noocaas oo kale ah ay khatar gelin karaan dadaalada nabad-dhisida Soomaaliya.
Iyada oo aan lasoo xigan wadamo khaas ah, Faki ayaa ka codsaday cid walba oo katirsan dhinacyada dibada in ay joojiyaan ficil walba oo laga yaabo in uu wiiqo horumarka Soomaaliya, isaga oo sheegay in ficilkaas oo kale ay khatar ku yihiin tilaabooyinka horumar ee laga sameeyay gudaha Soomaaliya taasoo ay mahadeeda leeyihiin Howlgalka Midowga Afrika ee Soomaaliya iyo ciidamada Soomaaliya.
Faki ayaa bogaadiyay horumarka ay sameysay Dowladda Federaalka Soomaaliya, gaar ahaan heshiiskii marxalada kumeelgaarka ahayd, kaasoo siinaya in si tartiib ah ay masuuliyada ammaanka looga wareejiyo AMISOM ayna la wareegaan ciidamada Soomaaliya.
Khiaafka Khaliijka hadda jira oo sanad kahor bilaabmay ayaa saameyn weyn ku yeeshay Geeska Afrika gaar ahaan Soomaaliya.
Related Posts
January 17, 2017 Ciidamada ammaanka Puntland oo Boosaaso ku xiray ugu yaraan 20 qof oo looga shaki qabo argagixiso
February 25, 2018 In ka badan 200 arday oo ka qalinjabisay Jaamacadda Boosaaso faraceeda Garoowe
May 7, 2017 Puntland President appoints new director of Puntland Aids Commission
October 26, 2016 Al-Shabaab oo la wareegtay magaalada Tiyeeglow kadib markii ay ka baxeen ciidamada Itoobiya
