Gaalkacyo-(Puntland Mirror) Fiqi Bashiir Cabdulle Codweyn ayaa maanta oo Sabti ah aas qaran loogu sameeyay magaalada Gaalkacyo ee gobolka Mudug.
Aaska Fiqiga ayaa waxaa kasoo qeybgalay masuuliyiinta dowladda Puntland oo uu hoggaaminayay Madaxweyne Cabdiweli Maxamed Cali iyo isimada Puntland oo ay kamidyihiin islaan Bashiir Islaan Cabdulle iyo Islaan Ciise Islaan Maxamed, Suldaan Siciid Maxamed Garaase iyo dad weyne kale oo badan.
Madaxweyne Cabdiweli oo ku hadlaya afka goloyaasha dowladda Puntland iyo kan shacabka Puntland ayaa uga tacsiyeeyay ummaada Soomaaliyeed, gaar ahaan shacabka reer Puntland, eheladii, qaraabadii asxaabtii iyo caruurtii uu ka geeriyoodey marxuunku.
”Waxaan rabaa anigoo ku hadlaya magacayga kan dowladda iyo kan shacabka Puntland-ba halkani in aan uga diro tacsi ummaada Soomaaliyeed gaar ahaan shacabka Puntland geeridaas kutimi Fiqi Bashiir Cabdulle Cismaan, illaahay ha’u naxariistee wuxuu ahaa shakhsi qiime weyn ugu fadhiya Soomaaliya, usoo shaqeeyey, wax badan usoo taray ayuu ahaa, inagana waajibka inaga saaran waxay tahay inaan u ducayno, Illahay u barrino inuu u naxariisto” ayuu yiri Madaxweynaha Puntland.
Fiqi Bashiir oo kamid ah ismida Puntland oo kasoo jeeda gobolka Mudug ayaa horaantii bishaan ku geeriyooday gudaha dalka Sweden.
Related Posts
October 28, 2019 Baarlamaanka Puntland oo ansixiyay ajandaha kalfadhigooda 45-aad
June 8, 2016 Obama oo aan ka qaybgali doonin aaska Maxamed Cali
June 22, 2023 Isimada Puntland oo ku soo wajahan Garoowe
July 2, 2017 Al-Shabaab oo gobolka Mudug ku xirtay ku dhawaad 90 oday oo diiday in ay caruurtooda ku wareejiyaan
