Wasiirka dekadaha iyo gaadiidka badda ee maamulka Galmudug, Burhaan Warsame, ayaa Reuters u sheegay in burcadbadeedu ay badmaaxyada u ka xaysteen deegaanada Galmudug ee bartamaha Soomaaliya maalintii Isniinta ee lasoo dhaafay ayna isku dhaceen ciidamada maamulka Galmudug labo maalmood kadib.
“Waxaanu soo badbaadinay sagaal badmaax waana ay caafimaad qabaan,” Burhan ayaa Reuters u sheegay.
Burcadbaeeda ayaa qabsaday doonida oo loo yaqaan Al Kausar oo laga leeyahay Hindiya bishii lasoo dhaafay.
Guddoomiyaha degmada Hobyo, Cabdulaahi Cali Axmed, ayaa idaacada Voa-da qaybta Af-Soomaaliga u sheegay in howlgalka ay ku qabteen afar katirsan burcadbadeeda.
Isniintii lasoo dhaafay, Burcadbadeeda ayaa wakaalada wararka Reuters u sheegay in badmaaxyada ay afduubteen ay u isticmaali doonaan gorgortanka sidii ay lagu sii dayn lahaa burcadbadeed ku xiran gudaha dalka Hindiya.
Asbuucyadii lasoo dhaafay, burcadbadeeda Soomaaliya ayaa kordhiyay weeraradooda ka dhanka ah maraakiibta ganacsi ee gooshaysa biyaha Soomaaliya.
Dhawaan, iyaga oo la hadlayay warbaahinta gudaha qayb kamid ah kalluumaysatada ayaa ku goodiyay in ay hubka qaadan doonaan mar labaad kuna noqon doonaan burcadbadeednimada si ay ula diriraan waxay ugu yeereen “maraakiibta jariifka ee ajaaniibta ah”.
Related Posts
June 6, 2016 Wasiirka arrimaha dibada Soomaaliya oo gaaray xerada qaxootiga Dhadhaab
January 15, 2017 Kalafadhigii kowaad ee golaha deegaanka cusub ee Dangorayo oo furmay
March 17, 2020 Ciidanka PSF oo howlgal ka dhan ah argagixisada ka bilaabay gudaha magaalada Boosaaso
March 18, 2017 Guddoomiyaha Guddiga Midowga Afrika Moussa Faki oo Muqdisho yimid
Be the first to comment