Ciidamada ammaanka Puntland oo howlgalo ka bilaabay gudaha Boosaaso

Howlgalka ayaa imaanaya maalin kadib markii ugu yaraan saddex qof lagu dilay weerar ismiidaamin ah oo lala eegtay bar kantarool kutaala Boosaaso.

Ma jiraan warar muujinaya haddii ay jiraan shakhsiyaad lagu xiray howlgalka socda, kuwaasoo looga shaki qabo ku lug lahaanshaha weerarkii talaadada dhacay.

Dowladda Islaamiga ah ayaa mar dambe sheegatay masuuliyada weerarkii ismiidaaminta ahaa ee dhacay fiidkii xalay oo Talaado ahayd.

Dadka la dilay ayaa waxaa ku jiray askari katirsan ciidamada booliiska iyo dhalinyaro ka ag dhawaa goobta qaraxa.