Muqdisho-(Puntland Mirror) Qaramada Midoobay, Midowga Afrika, Midowga Yurub, IGAD, Itoobiya, Talyaaniga, Boqortooyada Ingiriiska iyo Mareykanka ayaa si weyn uga walaacsan tilaabooyinkii siyaasadeed iyo amni ee ka dhacay Muqdisho dhawaan, sida lagu sheegay bayaan soo baxay gelinkii dambe ee Jimcada.
Bayaanka ayaa lagu sheegay in tilaabooyinkaas ay dhaawici doonaan siyaasadda, dhaqaalaha, iyo horumarka laga gaaray ammaanka ayna ceeb ku tahay magaca Soomaaliya.
Beesha Caalamka ayaa ka codsaday dhammaan hoggaamiyaasha Soomaaliyeed iyo siyaasiyiinta in ay xushmeeyaan sharciga iyo dastuurka dalka ayna xaliyaan kala duwanaanshaha siyaasadeed.
“Ficilada oo sii kordha waxay horseedi doontaa qalalaase waana in laga fogaadaa,” ayaa bayaanka lagu sii yiri.
Beesha Caalamka ayaa ka codsaday hoggaamiyaasha baarlamaanka iyo masuuliyiinta kale in ay si nabadgelyo ah ay uga wada-xaajoodaan maalmaha soo socda ayna adeegsadaan qaab sharci iyo nabadgelyo ah si ay u xaliyaan kala aragti duwanaanshaha.
Maalmihii lasoo dhaafay ayaa magaalada Muqdisho waxaa ka jiray mooshin kalsooni kala noqosho oo ka dhan ah guddoomiyaha baarlamaanka Soomaaliya Maxamed Shiikh Cusmaan Jawaari.
Related Posts
November 11, 2017 At least 81 Al-Shabab militants killed in Middle Juba region, Information Minister says
February 6, 2017 Hoggaamiyaha Khaatumo oo tagay magaalada Burco
July 26, 2016 Al-Shabab suicide attack kills at least 15 outside Amisom base in Mogadishu
September 11, 2017 Ugu yaraan 10 qof oo lagu dilay weerar ay Al-Shabaab ku qaadeen magaalada Beled Xaawo
