Muqdisho-(Puntland Mirror) Banaanbax balaaran oo looga soo horjeedo afgembii fashilmay ee ka dhacay dalka Turkiga ayaa maanta ka socda caasimada Soomaaliya, Muqdisho.
Banaanbaxa ayaa waxaa ka qayb galaya boqolaal shacab ah oo wata calanka Turkiga iyo kan qaranka Soomaaliya, dadka ayaa muujinaya dareenkooda sida ay uga xunyihiin inqilaabka.
Banaanbaxayaasha ayaa isugu soo uruuray Daljirka Daahsoon halkaas oo la filayo in ay ku la hadlaan masuuliyiinta dowlada.
Madaxweynaha Soomaaliya Xasan Shiikh Maxamuud ayaa bayaan uu soo saaray ku cambaareeyay inqilaabkii fashilmay ee lagu doonayay in xukunka looga tuuro Madaxweyne Rajib Dayib Erdogan.
Madaxweynaha ayaa sheegay in Soomaaliya ay si buuxda u taageersantahay dowlada Rajib Dayib Erdogan, isagoo codsaday in la xushmeeyo dastuurka iyo haayadaha dimuqraadiga ah si loo sii wado guusha.
Soomaaliya ayaa xiriir wanaagsan la lehTurkiga. Tan iyo 2011-kii, Soomaaliya waxay kamid ahayd saddexda wadan oo hela caawimaada horumarinta Turkiga.
Ugu yaraan 60 qof ayaa ku dhimatay isku dayga afgembi ee ka dhacay Turkiga.
Related Posts
May 10, 2020 57 kiis oo cusub oo coronavirus ah oo laga helay Soomaaliya iyo tirada dhimashada oo gaartay 51
August 21, 2016 Galkayo blasts death toll rises to 30
July 3, 2017 Dagaal culus oo u dhaxeeya ciidamada Soomaaliya oo taageero ka helaya kuwa Itoobiya iyo maleeshiyada Al-Shabaab oo ka dhacay gobolka Gedo
November 24, 2016 Jubbland: lower house elections concluded in Kismayo town
