Washington-(Puntland Mirror) Haayadaha federaalka Maraykanka ayaa sheegay in ay xireen saddex nin kuwaasoo lagu eedeeyay in ay isku-dayeen in ay qarxiyaan xarumo kuyaala magaalada Kansas.
Tom Beall, oo ah sii hayaha xeer ilaaliyaha Maraykanka, ayaa sheegay shalay oo Jimce ahayd in saddexda nin lagu eedeeyay argagixiso maxali ah oo qorsheynayay in ay qarxiyaan dhisme qaybeed halkaas oo ay qoysas Soomaali ah kunoolyihiin ayna ku cibaadaystaan.
Saddexda nin ayaa loo aqoonsaday; Curtis Allen oo 49-sanno jir ah, Gavin Wright oo 49-sanno jir ah iyo Patrick Stein oo 47-sanno jir ah, kuwaasoo lasoo qabtay subaxnimadii Jimcada.
Nimanka ayaa qorsheeyay in ay qaraxa geystaan 8-da November si aysan u saamayn doorashada madaxtinimada Maraykanka, taasoo dhacaysa 8-da November, sida ay sheegeen dambi-baarayaasha Federaalka.
Related Posts
March 22, 2020 Vacancy: Executive Director
September 12, 2021 Madaxweyne Deni oo kala diray golaha deegaanka Qardho iyadoo ay soo fool leedahay doorashada hordhacda ah
November 17, 2018 Puntland oo noqotay meesha ugu weyn ee hubka sharci darada ah uu ka galo Soomaaliya
September 18, 2016 Qarax ismiidaamin ah oo lagu qaaday xarunta wasaaradda difaaca ee Muqdisho
