Garoowe-(Puntland Mirror) Madaxweynaha dowlada Puntland Cabdiweli Maxamed Cali ayaa tacsi u diray qoyskii iyo qaraabadii ee uu ka geeriyooday Sareeye Guud Maxamed Cali Samatar oo ku geeriyooday dalka Maraykanka.
Madaxweynaha ayaa ku tilmaamay Maxamed Cali Samatar inuu ahaa shaqsi ku weyn ummada Soomaaliyeed isla markaana shaqo weyn oo waxtar leh ummada Soomaaliyeed u soo qabtay mudadii uu xilalka sare kasoo qabtay dalka.
“Inaa lilaahi waa innaa ilayhi raajicuun, waxaan uga tacsiyeynayaa guud ahaan ummada Soomaaliyeed gaar ahaan eheladii, qoyskii iyo qaraabadii uu ka geeriyooday marxuum Maxamed Cali Samatar oo ahaa shaqsi ku weyn ummada Soomaaliyeed, wax weyna u soo qabtay mudadii uu xilalka kala duwan u hayay ummada.” Sidaa ayuu bayaan ku yiri Madaxweyne Cabdiweli.
Maxamed Cali Samatar oo xilal badan kasoo qabtay dowladii kacaanka ahayd ee Madaxweyne Maxamed Siyaad Bare ayaa ku geeriyooday xalay oo Sabti ahayd gobolka Virginia ee dalka Maraykanka, sida ay xaqiijiyeen qoyskiisa.
Janaraal Samatar ayaa dalka kasoo noqdey Madaxweyne Ku-Xigeenka 1-aad, Raysulwasaare, iyo Wasiirka Gaashaandhiga xilligii dowladii kacaanka.
Related Posts
January 11, 2017 Ciidamada Puntland oo magaalo xeebeedka Qandala ku soo bandhigay hub laga qabsaday maleeshiyada ISIS
March 18, 2017 Markabka saliida qaada oo ay sii daayeen burcadbadeeda Soomaalida oo tagay dekada Boosaaso
August 6, 2017 Al-Shabaab oo dishay askari Kenyaati ah oo maxbuus ah
November 19, 2016 Madaxweynaha dowladda Puntland oo dallacsiiyay saraakiil katirsan ciidamada Daraawiishta Puntland oo Itoobiya tababar kusoo qaatay
