Boosaaso-(Puntland Mirror) Maleeshiyaad badan oo uu hoggaaminayo guddoomiyihii hore ee gobolka Bari Cabdisamad Maxamed Gallan ayaa xalay soo gaaray tuulada Kalabayr, sida ay sheegeen dadka deegaanka.
Sida ay dadka deegaanka u sheegeen warsidaha Puntland Mirror maleeshiyada uu Gallan wato ayaa ku hubaysan gawaari badan oo tikniko ah, baabuurta xamuulka ah, wiish iyo hal gaari oo ambalaas ah, maleeshiyada ayaa tuulada Kalabayr ka degay dhanka Koonfureed ee buurta.
Dhanka kale, ciidamo ka socda dowlada Puntland oo aad u qalabaysan ayaa soo gaaray meel u dhow tuulada Kalabayr, ciidanka dowlada iyo maleeshiyada Gallan ayaa tuulada Kalabayr dhinacyadeeda Waqooyiga iyo Koonfurta kala fadhiya.
Warsida Puntland Mirror ayaa ogsoon in dhawaan ay socdeen waan-waan ay wadeen issimo waa weyn oo laga dhex waday Gallan iyo dowlada Puntland, balse dhaq-dhaqaaqan ciidan ayaa soo kordhay.
Dhanka magaalada Boosaaso wararka uu ka helayo warsidaha Puntland Mirror ayaa sheegaya in dhaq-dhaqaaq ciidan laga dareemayo magaalada oo ay wado dowlada Puntland.
Guddoomiyihii hore ee gobolka Bari Cabdisamad Maxamed Gallan oo wareysi dhawaan siiyay idacadaha maxaliga ah ayaa sheegay in uu dagaal lagalayo dowlada Puntland oo uu hoggaaminayo Madaxweyne Cabdiweli Maxamed Cali.
Deegaanka Kalabayr ayaa 45km u jira xarunta ganacsiga Puntland, Boosaaso.
[box]Wixii kusoo kordha wararkaas si deg deg ah ayaan idiin kusoo gudbin doonaa.[/box]
Related Posts
October 4, 2016 Taliyaha guud ee ciidamada qalabka sida dowlada Puntland Janaraal Siciid Dheere oo ka hadlay howlgalo ka socda Garoowe
March 12, 2017 Ciidamo gadoodsan oo la wareegay waddooyinka waa-weyn ee Muqdisho
April 16, 2019 Dilka hoggaamiye ku xigeenka ISIS waxa uu u muqdaa mid diciifin kara weerarada ISIS ee gudaha Puntland
May 27, 2017 Ciidamada Ciraaq oo ku sii siqaya meeshii ugu dambeysay ee Daacish ay ka heysatay galbeedka magaalada Mowsil
