Garoowe-(Puntland Mirror) Guddiga doorashooyinka Puntland ee TPEC ayaa ku guda jira qeybinta kaararka cod-bixinta codeeyaasha, oo ay ka wadaan goboladii ay dadku iska diiwaangeliyeen horaantii sanadkan 2023.
TPEC ayaa qorshaysay in doorashada dowladdaha hoose ay dhacayaan dabayaaqada bishaan May, inkastoo qaar kamid ah siyaasiyiin saamayn weyn leh ay walaac ka muujiyeen xalaalnimada doorashada, iyagoona ku eedeeyay madaxweynaha xilka haya Siciid Cabdullahi Deni in uu doonayo muddo kororsi.
Guddiga doorashooyinka ayaa sheegay in ku dhawaad 400,000 qof ay iska diiwaangeliyeen gobolada Nugaal, Bari, Karkaar, Sanaag, Haylaan, Gaardafuu iyo Mudug. Gobolada Sool iyo Cayn oo kamid ah sagaalka gobol ee Puntland ayaa meel kamid ah aysan is-diiwaangelin ka dhicin.
Puntland ayaa bishii October 2021 saddex degmo ka qabatay doorasho hal qof iyo hal cod markii ugu horeysay tan iyo asaaskii Puntland, taasoo yididiilo u ahayd in bulshada ay xaq u yeeshaan in ay codkooda ku doortaan masuuliyiinta u adeega. Balse is-casilaadii guddoomiyihii TPEC Guuleed Saalax Bare iyo ku xigeenkiisii Jaamac Xirsi Faarax ayaa saamayn weyn ku yeelatay kalsoonida dadka ee hanaanka dimuqraadiyada. Labada masuul oo iscasilay bishii January 2022 ayaa madaxweynaha ku eedeeyay in uu caqabad ku noqday hanaanka.
Related Posts
March 8, 2019 Taliyaha AFRICOM oo sheegay in ciidan dhimista Mareykanka ee Afrika aysan saameyn ku yeelan doonin Soomaaliya
September 19, 2016 Minnesota Mall Attacker Identified as Somali-American
July 19, 2016 Taliyaha cusub ee AMISOM oo xafiiska la wareegay
November 22, 2017 Mareykanka oo sheegay in uu duqayn ku dilay in ka badan 100 maleeshiyo oo Al-Shabaab ah
