Gaashaandhiga Mareykanka ayaa bilaabay qorsheyaasha qabyada ah ee Madxweynaha, waxaana wadaxaajoodyada ku lug lahaa La Taliya Amniga Qaranka Mareykanka Robert O’Brien, Xoghayaha Difaaca Mark Esper iyo masuuliyiin kale, sida ilo-wareedyadu ay u sheegeen Bloomberg.
Mareykanka ayaa 650 ilaa 800 askari ay ka joogaan gudaha Soomaaliya, sida ay sheegeen Taliska Mareykanka ee Afrika, kuwaasoo ay kamidyihiin ciidamo gaar ah oo taageero dhanka tabobarka ah siiya ciidanka Soomaaliya. Inta badan ciidankan ayaa la geeyay Soomaaliya intii Trump uu ahaa Madxweynaha.
Madaxweynaha Soomaaliya Maxamed Cabdullaahi Farmaajo ayaa wareysi Khadka taleefoonka ah ugu sheegay Bloomberg in uu jecelyahay in ciidamada Mareykanka ay joogaan, isaga oo intaas ku daray in uu aaminsanyahay in dalkiisa oo caawimaad ka helaya Mareykanka ay keenayso in laga adkaado maleeshiyada Al-Shabaab.
“Runtii waanu bogaadinaynaa taageerada Mareykanka, waxaana ku qanacsanahay waxa Mareykanku ay qabteen, waana jeclaan lahayn in aan aragno in ciidamada ay sii joogaan ilaa shaqadu boqolkiiba boqol dhammaato,” ayuu yiri Madaxweyne Farmaajo.
Trump ayaa bilaabay bartamihii 2017-ka in uu ciidamo badan u diro Soomaaliya taasoo qeyb ka ah dadaalada la dagaalanka argagixisada.
Related Posts
January 21, 2018 Wasiirkii Warfaafinta Soomaaliya oo loo doortay duqa cusub ee Muqdisho
February 5, 2018 Dooni sida badeeco oo ay suurtagal tahay in ay ku degto xeebta Boosaaso
May 25, 2024 Puntland Mirror Launches Fact-Checking Initiative
March 7, 2017 Trump oo saxiixay amar cusub oo muwaadiniinta ka soo jeeda lix dal oo Muslim ah looga mamnuucayo soo gelitaanka Mareykanka
Be the first to comment