Digreetada laguma sheegin sababta keentay shaqo ka joojinta, balse waxaa la amray in ku xigeenkiisa uu shaqada sii wadi doono.
Madaxweynaha ayaa sidoo kale digreetada ku sheegay in la buriyay dhammaan xubnihii laga shaqaalaysiiyay haayada waddooyinka Puntland ee PHA laga soo bilaabo bishii Janaayo 2019.
Dhanka kale, madaxweyne Deni ayaa magacaabay guddoomiyaasha gobolada Sanaag iyo Haylaan iyo mareeyaha garoonka diyaaradaha ee Boosaaso, sida lagu sheegay digreeto isla xalay soo baxday.
Cali Xuseen Maxamed ayaa loo magacaabay guddoomiyaha cusub ee gobolka Sanaag, halka Siciid Xuseen Maxamuud loo magacaabay guddoomiyaha Haylaan. Axmed Maxamuud Xaaji Yuusuf ayaa loo magacaabay mareeyaha cusub ee garoonka diyaaradaha ee Boosaaso.
Madaxweynaha Puntland ayaa sidoo kale joojiyay dhismeyaasha iyo deegaamaynta dooxooyinka Waw iyo Bixin, oo ah dhul-daaqsimeed dhanka waqooyi ka xiga magaalada Garoowe, ee caasimada Puntland.
Related Posts
July 16, 2019 Wasiirka kalluumaysiga Puntland oo sheegay in dhulgariis cabirkiisu dhanyahay 4.5 uu ka dhacay Gacanka Cadmeed gaar ahaan meel u dhow magaalada Bareeda
October 26, 2022 Maxkamada ciidamada Soomaaliya oo toogatay labbo xubnood oo Daacish katirsan
February 2, 2017 At least two civilians killed in attack on checkpoint in Bosaso port town
June 17, 2019 Maxkamada rafcaanka gobolka Nugaal oo go’aanka ugu dambeeya ka gaari doonta saddexda nin ee loo haysto kufsiga iyo dilka Caasho Ilyaas Aadan
