Qoraal ay ku daabaceen boggooda Facebook-ka, PSF ayaa sheegtay in ciidankoodu uu tagay tuulada Timisrhe ee gobolka Bari si ay u qaadaan guluf dhulka ah kaasoo ujeedkiisu yahay sidii loo saari lahaa maleeshiyada ku sugan deegaankaas, tuulada ayaa kamid ahaan jirtay meelaha ugu waa-weyn ee ay ku dhuuntaan maleeshiyadu intii lagu guda jiray xilligii ay soo ifbaxayeen.
Tilaabada PSF ayaa timid labo maalmood kadib markii diyaaradaha dagaalka Mareykanka ay qaadeen duqayntoodii ugu horeysay ee ka dhan ah maleeshiyada ISIS ee ku sugan gudaha Puntland, iyaga oo sheegay in ay dileen dhowr dagaalyahan.
Inkastoo ay jireen warar muujinaya in hoggaamiyaha ISIS lagu dilay weerarka Mareykanka, Madaxweynaha Puntland Cabdiweli Maxamed Cali ayaa idaacada VOA Soomaali u sheegay in uu helayo in hoggaamiyaha ISIS Cabdiqaadir Muumin uu noolyahay weli oo uusan dhiman.
ISIS ayaa kacdoonkeeda gudaha Puntland bilowday dabayaaqadii sanadkii 2015, markii dagaalyahano hore oo Al-Shabaab katirsanaa oo uu hoggaaminayay Cadbiqaadir Muumin ay iclaamiyeen in ay ku biireen ISIS, waxayna qaadeen weeraro dhowr ah oo uu ku jiro qabsashadii magaalada qadiimiga ah ee Qandala kahor inta aysan dib ula wareegin ciidanka dowladda.
Related Posts
February 26, 2017 Ciidamo hubaysan oo qabsaday xarunta baarlamaanka Puntland ee Garoowe
October 22, 2017 Miinada dhulka lagu aaso oo ugu yaraan todobo qof ku dishay duleedka Muqdisho
April 5, 2018 Duqa Garoowe iyo golaha deegaanka oo ku heshiiyay in si wadajir ah loo wada shaqeeyo
November 21, 2017 Muuse Biixi Cabdi oo ku guuleystay doorashadii madaxweynenimada Somaliland
