Taliska Mareykanka ee Afrika ayaa bayaan ku sheegay in duqeyntu ay Jimcadii ka dhacday meel u dhow deegaanka Gandarshe ee gobolka Shabeellaha Hoose. Bayaanka ayaa intaas ku daray in dagaalyahanada Al-Shabaab ay Gandarshe u adeegsadaan meel ay ku diyaariyaan qaraxyada ay ka fuliyaan Muqdisho.
Dhowr duqeyn oo Mareykanku ka geysteen bishii December ee sanadkii tagay meel u dhow Gandarshe, ayaa lagu dilay 62 dagaalyahan oo Al-Shabaab ah iyaga oo isu diyaarinayay in ay weerar ku qaadaan saldhig ay leeyihiin ciidamada Soomaaliya.
Kani waa duqeyntii 10-aad oo sanadkan uu Maraykanku ka fuliyo gudaha Soomaaliya. Sanadkii la soo dhaafay ayaa Mareykanku ka geystay ku dhawaad 50 duqeymood oo ka dhan ahaa Al-Shabaab gudaha Soomaaliya.
Khamiistii, 24 dagaalyahan oo Al-Shabaab ah ayaa lagu dilay duqeyn ka dhacday gobolka Hiiraan ee bartamaha Soomaaliya.
Related Posts
June 5, 2016 Ugu yaraan 20 qof oo ku dhimatay dagaal beeleed ka dhacay gobolka Sool
August 28, 2018 Uhuru Kenyatta oo sheegay in ciidamada Kenya aysan ka bixi doonin gudaha Soomaaliya
August 27, 2018 Mooshin ka dhan ahaa shirkada DP World oo ay soo gudbiyeen qaar katirsan baarlamaanka Puntland oo buray
April 12, 2019 Labo maleeshiyo oo Al-Shabaab ah oo lagu dilay duqeyn uu Mareykanku ka geystay gobolka Shabeellaha Hoose
