Gaalkacyo-(Puntland Mirror) Madaxweynaha dowlada Puntland Cabdiweli Maxamed Cali ayaa maanta oo Arbaco ah kulan kula qaatay magaalada Gaalkacyo golaha cusub ee degmada.
Madaxweynaha ayaa golaha cusub ku tilmaamay in ay yihiin maskax cusub isla markaana looga baahanyahay isbeddel mug leh in ay ka muujiyaan magaalada Gaalkacyo, sidoo kalena ay dadaal dheeraad ah suubiyaan si loo dardargeliyo shaqooyinka culus ee horyaalla.
Sidoo kale Madaxweynaha ayaa kula dardaarmay golaha in ay ka fogadaan wax walba oo golaha dhexdiisa ku keeni kara khilaaf iyo tafaraaruq isla markaana caqabad ku noqon kara hawlaha shaqo ee golaha loo igmaday iyo in ay wada shaqayn dhow la yeeshaan haayadaha kale ee shaqooyinka ay wadaagaan oo ay ka mid yihiin Laamaha kala duwan ee amaanka iyo maamulka Gobolka.
Golaha cusub ee degmada Gaalkacyo oo dhawaan lasoo dhisay ayaa la filayaa in ay guddoomiye iyo ku-xigeenkiisa dooran doonaan maalinta Sabtida ah ee soo socota.
Related Posts
June 27, 2016 Madaxweynaha Soomaaliya oo waraaqaha aqoonsiga ka guddoomay safiirka cusub ee Belgium u fadhiya Soomaaliya
November 28, 2020 Baarlaamanka Puntland oo ka laabtay in ay dood ka yeeshaan heshiiska DP World ee dekada Boosaaso
April 15, 2019 Mareykanka oo cadeeyay in hoggaamiye ku xigeenkii maleeshiyada ISIS lagu dilay duqeyn ka dhacday gobolka Bari
March 27, 2017 Madaxweyne Erdogan oo sheegay in Daacish iyo ururada kale ee argagixisada ah ay dhibaato u keeneen dadka Muslimiinta ah
Be the first to comment