Muqdisho-(Puntland Mirror) Dowlada Itoobiya ayaa ciidamo badan geysay deegaanka Halgan kadib markii maalinta Khamiista ee asbuucii hore ay weerar culus ku qaadeen maleeshiyada al-Shabaab saldhig ay ciidanka Itoobiya ku leeyihiin deegaanka Halgan.
Dadka ku sugan deegaanka Halgan ayaa sheegay in ay arkeen kolonyo ciidamo cusub oo Itoobiyaan ah kuwaasoo wata gaadiidka gaashaaman, waxayna fariisimo ay ka samaysteen deegaankaas.
Deegaanka Halgan ayaa ku yaala gobolka Hiiraan ee bartamaha Soomaaliya, wuxuuna 300 km dhanka waqooyiga uga beeganyahay magaalada Muqdisho ee caasimada Soomaaliya.
Weerar ay maleeshiyada al-Shabaab ku qaadeen 9-kii bisha saldhig ay halkaas ku leeyihiin ciidamada Itoobiya ayaa waxa ay ku sheegeen in ay ku dileen ilaa iyo 43 askari oo Itoobiyaan ah, balse afhayeenka dowlada Itoobiya Getachew Reda ayaa warkaas beeniyay isagoo sheegay in ciidamadooda ku dileen 101 dagaalyahan oo al-Shabaab ah kadib markii ay maleeshiyada soo weerartay saldhig ay ciidamadooda ku leeyihiin gudaha Soomaaliya.
Ciidanka Itoobiya ayaa ka hoos shaqeeya howlgalka Midowga Afrika ee nabad ilaalinta u jooga Koonfurta Soomaaliya.
Related Posts
June 9, 2016 Al-Shabab militants attack base of Ethiopia troops in central Somalia
May 25, 2017 Daacish oo baahisay magaca ninkii fuliyay weerarkii ismiidaaminta ahaa ee Boosaaso
February 1, 2019 Mareykanka oo sheegay in 24 maleeshiyo Al-Shabaab ah lagu dilay duqeyn ka dhacday gobolka Hiiraan
July 2, 2016 Madaxweynaha dowlada Puntland oo la kulmay shacabka Gaalkacyo
Be the first to comment